Nordfjord hotell
Om du ønskjer du å bade inne, så har Nordfjord hotell på Nordfjordeid ei eiga lite badeperle. Her er basseng, spa-anlegg med terapibasseng og utandørs jacuzzi.
Eid Symjehall
For innandørs bading kan ein og besøkje i Eid symjehall som ligg i Eid idrettshall.
Sagaparken
Stad: Nordfjordeid
Med trampolinar, volleyballnett, grillplass og klatrepark i nærleiken har Sagaparken blitt ein populær badeplass for mange.
Ligg rett ved Sagastad i Sjøgata.
Osvika
Stad: Nordfjordeid
Med eit stort grasområde er Osvika ein badeplass for barn, vaksne og ungdommar. Når ein kjem ut i sjøen, er det også sand på botnen.
Følg Sjøgata til sørsida av Nordfjordeid sentrum. Køyr over brua, og ned til høgre etter ca 400 meter.
Seljesanden
Stad: Selje
Med klart vatn og fin sand er Seljesanden i Selje sentrum ein badeplass for både store og små. BUA ligg rett ved sanden.
Gryta
Stad: Stårheim
Ein av dei tøffaste badeplassane på Stårheim er Gryta. Her kan det vere litt kaldt i vatnet, men det er badeplassen for dei tøffe og for dei som er på jakt etter hoppemoglegheiter.
Køyr av Rv15 og inn på Fv5747 – mot Remmedalen – rett aust for Stårheim sentrum. Følg denne 1,1 km før du tar av til venstre ved ei grå utløde som står heilt inn i vegen. Det står beskrive i Opptur Stad rute 8-05.
Suffefjæra
Stad: Stårheim
Med små steinar og berg, er Suffefjæra ein passande badeplass for familiar.
Rett øst for Stårheim sentrum (ved avkøyring til Remmedalen), ta av Rv15 inn på grusveg som går ned til fjorden. Badeplassen ligg på høgre side.
Årskogvika
Stad: Lote
På Lote, ved Årskogvika, er det ei fin steinstrand, som passar godt for familiar eller vennegjengar. Her har ein flott utsikt til fjord og fjell.
Fjordsight Resort
Stad: Bryggja
Ved Norane på Fjordsight Resort finn du ei fin sandstrand. Det skal vere 200 meter med strandlinje, og det er gode moglegheiter for bading og fisking.
Gautevatnet
Stad: Nordfjordeid
Slå to fluger i ein smekk med ein tur på Skårhaugssetra og eit forfriskande bad litt forbi toppen. Dette er eit typisk fjellvatn, som det er fint å bade og fiske i. Det står beskrive i Opptur Stad rute 06-12.
Vedvikvågen
Stad: Vedvik
Det er ikkje alle som har moglegheit til å bade i den djupaste innsjøen i Europa, men i Vedvikvågen legg alt til rette for at du kan ta deg eit bad i Hornindalsvatnet.
Køyr til Hjelle (aust for Nordfjordeid), ta av Rv15 mot Heggjabygda, følg vegen ca 1,9 km og du er framme.
Nesjartun Camping
Stad: Nesjartun
Denne badeplassen ligg på enden av Hornindalsvatnet. Ideelt for badeglade som likar å hoppe.
Erviksanden
Stad: Ervik
Den populære Erviksanden er blant badestrendene i området med sand og blått hav.
Lisjebreiløken
Stad: Kjølsdalen
Dette er ein idyllisk badeplass, både for store og små. Lisjebreiløken er ein dam i elva som renn frå Ljådalsvatnet, og ned til fjorden gjennom Kjølsdalen. Badeplassen ligg ved Dalsetra.
Ta av Rv15 ved Kjølsdalen, køyr opp heile dalen på asfaltert veg. Tek så inn på den gruslagde setrevegen og køyrer om lag 1 km til Salhaugen, der første plass for parkering er. Vidare tek ein Mystøylvegen, første veg til høgre, om lag 250-300 m, der det også er parkering for nokre bilar. Her finn du Lisjebreiløken.
Berga i Hessevik
Stad: Bryggja
Ta eit bad frå dei flotte berga i Hessevik. Her er gode moglegheiter for soling og avslapping.
På sørenden av Bryggja sentrum, ta til venstre istadenfor å køyre gjennom tunnelen mot Rv15. Hessevika ligg rett etter krysset.
Løkjastranda
Stad: Haugen
Ein av dei populære badeplassane på Haugen er ved Løkjastranda. Passar spesielt for små barn.
Hoddeviksanden
Stad: Hoddevik
På denne sandstranda kan ein både bade og lære å surfe. Hoddevik har også ein flott og fargerik solnedgang, der sola går ned i havet.
Kilde: Fjordabladet
